Բլոգ
Վաճառքի իդեալական ձագար | Gios.am

Եկեք կառուցենք վաճառքի իդեալական ձագար

Հաճախորդի սիրտը գրավելու համար պետք է ներդնել բոլոր ուժերը, որպեսզի կարողանաք բավարարել նրանց պահանջները՝ վաճառքի բոլոր փուլերում:

Որքան շատ են գործողությունները, այնքան մեծ է հաճախորդ կորցնելու հավանականությունը:

Մինչ բուն նյութին անցնելը, եկեք սկզբում հասկանանք, թե ինչ է վաճառքի ձագարը: Սա մարքեթինգային հասկացություն է, որը նկարագրում է այն ճանապարհը, որով անցնում է յուրաքանչյուր հաճախորդ՝ իրազեկումից մինչև գնման պահը:

Այն իդեալական մեթոդ է հասկանալու համար, թե ձեր հաճախորդների քանի տոկոսն է հետաքրքրվում Ձեր առաջարկած պրոդուկտով, և քանի տոկոսն է դառնում վերջնական գնորդ: Եվ եթե այդ տարբերությունը շատ մեծ է, ապա Ձեր ձագարը միանշանակ նորոգման կարիք ունի:

Դե ինչ, Gios-ն առաջարկում է անցյալում թողնել բոլոր անհաջող փորձերը, մի կողմ դնել բոլոր գործերը և հենց այս պահին մեզ հետ կառուցել էֆեկտիվ վաճառքի նոր ձագար:

Այն փաստը, որ դեպի վաճառք տանող ճանապարհին ձագարն աստիճանաբար փոքրանում է՝ անհերքելի է: Սակայն ինչքանով դա կփոքրանա՝ կախված է Ձեր մարքեթինգի և վաճառքի թիմերի արդյունավետ աշխատանքից:

Վաճառքի յուրաքանչյուր ձագար կազմված է 4 փուլից, որոնցից առաջին երկուսում ակտիվ աշխատում են մարքեթոլոգները, իսկ վերջին երկուսում գործի է դրվում ծանր հրետանին՝ վաճառքի թիմը:

Որո՞նք են այդ 4 փուլերը.

1. Ուշադրություն (Attention)

Հաճախորդի աչքերում դուք օգնական եք, իսկ Ձեր աչքերում հաճախորդը պոտենցիալ գնորդ է: Սա նշանակում է, որ դուք պետք է ապահովեք հաճախորդին մատչելի ինֆորմացիայով՝ առաջարկվող պրոդուկտի և հենց Ձեր բիզնեսի մասին, որում նա կգտնի իրեն հուզող հարցերի պատասխանները, իսկ դուք կունենաք հաճախորդ, ով կշարունակի իր ճանապարհը դեպի ձագարի հաջորդ փուլ:

2. Հետաքրքրություն (Interest)

Այժմ դուք ունեք հաճախորդ, ով ուշադրություն է դարձրել ձեր պրոդուկտին և փորձում է գտնել պատճառ՝ հետագա գործողություններին անցնելու համար: Այստեղ պետք է ավելի մանրամասն և մատչելի մատուցեք նրան պրոդուկտի կարևորության և առավելության մասին: Օգտագործեք շանսը և թույլ մի տվեք հաճախորդին փնտրել այլ տարբերակներ: Կարևոր է, որ հենց դուք լիարժեք տիրապետեք Ձեր պրոդուկտի առավելություններին և վստահ լինեք, որ դուք արժանի մրցակից եք շուկայում: Դա վստահություն և հավատ կծնի Ձեր ապագա գնորդի մեջ:

3. Ցանկություն (Desire)

Թվում է, թե ամեն ինչ պատրաստ է և գնորդը պետք է անցնի գործողության, բայց այստեղ ի հայտ է գալիս ավելի մատչելին փնտրելու զգացումը: Սրանից լիարժեք խուսափելն անհնար է: Սակայն այստեղ վաճառքի թիմը գործի պետք է դնի իր բոլոր հմտությունները և գերազանց ներկայացնի Ձեր ունեցած առավելությունները՝ համապատասխան շուկայում: Միշտ ունեցեք «золотой запас»՝ հաճախորդի սիրտը վերջնական գրավելու համար:

4. Գործողություն (Action)

Ահա և հասանք սպասված փուլին: Այստեղ կարևոր է պարզ քայլերի հաջորդականությունը: Որքան երկար է գնման պրոցեսը, այնքան մեծ է հաճախորդին կորցնելու հավանականությունը: Հատկապես օնլայն վաճառքների դեպքում երկար-բարակ գործողությունները սկսում են վանել հաճախորդին՝ ամենակարևոր պահին:

Այդուհանդերձ փորձեք ստեղծել մաքսիմալ իդեալական պայմաններ՝ վաճառքի այս փուլում չձախողելու նպատակով:

Այս փորձված մեթոդը ոչ միայն ստուգում և ապահովում է վաճառքի իրականացման իդեալական ընթացքը, այլև ապահովում է փոխշահավետ աշխատանք՝ վաճառքի և մարքեթինգային թիմերի միջև:


Սիրով՝ Ձեր խորհրդատու՝ Gios:

Բաժանորդագրվեք հենց հիմա ԵՎ ստացեք օգտակար նյութեր Ձեր բիզնեսի համար

Հետևեք մեր նորություններին և սպասեք նորանոր անակնկալների...

© 2021 "GIOS" LLC. | Բոլոր իրավունքները պաշտպանված են: Яндекс.Метрика